Bilen som baptistar i Noreg har vert med å samla inn pengar til er nå på plass i Chiang Mai, Thailand.
Bilen som baptistar i Noreg har vert med å samla inn pengar til er nå på plass i Chiang Mai, Thailand.
Av
Øyvind Hadland
Det har lenge vore ein draum for evangeliseringsteamet i TLBC å ha sin eigen bil av di plassane dei arbeidar ligg langt frå kvarandre. Det er òg ein del jordvegar. Difor har DNB i 2011 hatt ei innsamling for å hjelpa. Pengane blei overført på slutten av året og nå i februar fekk lahuane bilen. Bilen, ein Toyotya Vigo Pick-up, gjer det mogleg å fortsetta arbeide som familien Hadland har vore del av dei siste seks åra. Særleg viktig er det at dei regelmessige besøka til evangelistane og landsbyane fortsett. Jamleg oppmuntring og vegleiing har vore oppskrifta på framgang og vekst.
- Dette er ein milepåle for oss i TLBC. Ein bil gjer det mogleg for oss å fortsetta samarbeidet om evangelisering med baptistane i Noreg. Som leiar for arbeide så manglar eg ord, eg kan berre seia ”prisskje Gud” og ”takk til trussøskena i Noreg og DNB”. Me skal nå ha ein ”innviingsfest” for bilen, for me trur han er ei gåve frå Gud som vil leggja til rette for eit verkingsfullt arbeid”, seier Norachai Jatae, evangeliseringskoordinator i TLBC, entusiastisk.
Øyvind Hadland skal besøka Thailand og arbeide i mai, og får då moglegheit til å prøvekøyra den nye bilen.